மனிதநேய பொருளாதாரம்

ஐக்கிய நாடுகள் சபையின் (UN) வரையறையின்படி, 65 வயது மற்றும் அதற்கு மேற்பட்ட மக்கள்தொகையின் சதவீதம் 7% ஐ விட அதிகமாக உள்ளது, நமது நாடு இப்போது வயதான நாடாக வகைப்படுத்தப்பட்டுள்ளது. மொத்த பிறப்பு விகிதம், கருவுறுதல் விகிதம் மற்றும் மொத்த இறப்பு விகிதம் ஆகியவற்றின் படி, மலேசியா 2045 இல் ஒரு முதிய நாடாக மாறும் என்று கணிக்கப்பட்டுள்ளது, அங்கு 17% க்கும் அதிகமான மலேசியர்கள் 80 மற்றும் அதற்கு மேற்பட்ட வயதுடையவர்கள்.

வயதான மக்கள்தொகையின் அதிகரித்துவரும் சதவீதத்துடன் கவனிப்பு தேவைகள் சந்தேகத்திற்கு இடமின்றி வியத்தகு அளவில் அதிகரிக்கும். நம்பிக்கை கூட்டணி தொலைநோக்குடையது என்பதோடு நாங்கள் பல பொது முதலீடுகளை புகுத்த முட்படுவோம். சேவைத் துறை மற்றும் பராமரிப்பு உள்கட்டமைப்பு, உள்ளடக்கிய மற்றும் விரிவான சமூகப் பாதுகாப்பு அமைப்பு ஆகியவற்றிலும் தனியார் முதலீட்டை ஊக்குவிப்போம் என்பதும் திண்ணம்.

தேசிய பராமரிப்புப் பொருளாதாரம் மற்றும் முதியோர் சமூகத் தயார்நிலைத் திட்டம் – தேசிய பராமரிப்புப் பொருளாதாரம் மற்றும் முதியோர் சமூகத் தயார்நிலைத் திட்டம் (“Siagajaga”) மூலம் வயதான நாட்டின் யதார்த்தத்தை எதிர்கொள்ள நாம் தயாராகலாம்.

நிபுனத்துவ பரமாரிப்பு துறை

தாதிய பராமரிப்பு, எலும்பு சிகிச்சை போன்றவற்றிற்கும் மற்ற சிறப்பு சுகாதாரத் துறைகளை போலவே சமமான மரியாதை வழங்கப்படும் வகையில் பராமரிப்புத் துறையை நிபுணத்துவப்படுத்தல் அவசியம். 2035-க்குள் முதிய நாடுகளுக்கு இணையான பராமரிப்பாளர் ஆதரவு விகிதத்தை (CgSR) அடைவதற்கான திறனை உருவாக்குதல் மற்றும் பயிற்சி செய்தல் நிறைவேற்றப்படும்.

பராமரிப்பாளார்களுக்கான உதவிகள் அமைப்பு மற்றும் உதவிதொகைகள்

பேரிடர்களால் பாதிக்கப்பட்ட குடும்ப உறுப்பினர்களைக் கவனித்துக்கொள்வதற்கான கடமையை நிறைவேற்றுவது அவசியம் என்பதால், வேலை செய்வதை நிறுத்த வேண்டிய நபர்களுக்கு உதவி மற்றும் பராமரிப்பாளர் உதவிதொகை வழங்குவதை உறுதி செய்ய அமைப்பு ஒன்றை நிறுவுதல்.

நடமாடும் பரமாரிப்பு

திறன் இழந்தவர்களுக்காக வசிக்கும் இடத்தில் பராமரிப்பு சேவைகளை ஒருங்கிணைத்தல்.

அனத்து உதவிகளுக்கான நிலையம்

விளையாட்டு மைதானங்கள் மற்றும் வழிபாட்டுத் தலங்கள் ஆகியவை வளர்ச்சித் திட்டமிடல் நிபந்தனைகளின் ஒரு பகுதியாக இருப்பதைப் போல மக்கள் தொகை விகிதத்திற்கு ஏற்ப ஒரே இடத்தில் அனைத்து பராமரிப்பு உதவிகளுக்கான நிலையமும் வளர்ச்சியின் நிபந்தனையாக மாற்றப்படும்.

குடும்பங்களுக்கான சிறப்பு சலுகை தொகைகள் (Incentives)

முதியவர்களுடன் வசிக்கும் குடும்பங்களை சலுகை தொகைகள் மூலம் ஊக்குவிப்பதன் வழி குடும்ப நிறுவனங்களை வலுப்படுத்த இயலும்.

திட்டமிட்ட குறுக்கீடு (Strategic Intervention)

நகர்ப்புற ஏழைகள் மற்றும் தொலைதூர பகுதிகளில் வசிப்பவர்களுக்கு, முதன்மை பொது சுகாதார சேவை நிறுவனங்கள் மற்றும் நிறுவனங்கள், தன்னார்வ பராமரிப்பாளர்கள், சான்றளிக்கப்பட்ட கள பராமரிப்பாளர்கள், உள்ளூர் அதிகாரிகள் மற்றும் தன்னார்வ தொண்டு நிறுவனங்கள், சமூக தலைவர்கள், கல்வி நிறுவனங்கள், தனியார் துறை ஆகியவற்றுக்கு இடையேயான ஒத்துழைப்பை அணிதிரட்டவும், ஒருங்கிணைக்கவும், மேம்படுத்தவும் மற்றும் ஒருங்கிணைக்கவும் ஏதுவான திட்டமிட்ட குறுக்கீடுகளும் செய்யப்படும்.